Rəhbərlik

Azərbaycan Respublikasının Daxili İşlər Nazirliyinin Polis Akademiyasının rəisi, hüquq üzrə fəlsəfə doktoru, polis general-mayoru  Əliyev Nazim Tələt oğlu
 1959-cu ildə Azərbaycan Respublikasının Ağdam rayonunda anadan olmuşdur.
1983-cü ildə Azərbaycan Dövlət Universitetininin Hüquq fakültəsini bitirmişdir.
1983-cü ildən daxili işlər orqanlarında xidmət edir.

Cinayətkarlığa qarşı mübarizədə, ictimai qaydanın qorunması və ictimai təhlükəsizliyin təmin edilməsində, xidməti vəzifələrin və xüsusi tapşırıqların yerinə yetirilməsində fərqləndiyinə görə Azərbaycan Respublikası Prezidentinin 29 iyun 2007-ci il tarixli 2280 nömrəli Sərəncamı ilə “Vətən uğrunda” medalı ilə təltif olunmuşdur.
42 elmi-məqalənin, 2 dərs vəsaitinin və 1 monoqrafiyanın müəllifidir.

Azərbaycan Respublikası Prezidentinin 1 iyul 2008-ci il tarixli 2911 nömrəli Sərəncamı ilə  polis general-mayoru xüsusi rütbəsi verilmişdir.
02.06.2011-ci ildən hazıradək  DİN-in Polis Akademiyasının rəisi vəzifəsində xidmət edir.

Ailəlidir. İki övladı var.

Azərbaycan Respublikasının Daxili İşlər Nazirliyinin Polis Akademiyasının rəisinin tədris və elmi işlər üzrə müavini,əməkdar müəllim, hüquq elmlər doktoru, professor, polis polkovniki Əhmədov Mahir Bayram oğlu
 1957-ci ildə Azərbaycan Respublikasının Gəncə şəhərində anadan olmuşdur.
1983-cü ildə Patris Lumumba adına Moskva Xalqlar Dostluğu Universitetinin Hüquq fakültəsini fərqlənmə diplomu ilə bitirmişdir.
1984-cu ildən daxili işlər orqanlarında xidmət edir.

1991-ci ildə Moskva şəhərində SSRİ DİN-in Akademiyasının elmi-pedaqoji kadrlar hazırlayan fakültəsini fərqlənmə diplomu ilə bitirmişdir.
Azərbaycanda təhsil sahəsində xidmətlərinə, daxili işlər orqanlarında uzunmüddətli səmərəli fəaliyyətlərinə görə Azərbaycan Respublikası Prezidentinin 29 iyun 2007-ci il tarixli 2279 nömrəli Sərəncamı ilə  "Əməkdar müəllim" fəxri adı verilmişdir.

04.02.1992-ci ildən hazıradək  DİN-in Polis Akademiyasının rəisinin tədris və elmi işlər üzrə müavini vəzifəsində xidmət edir.

Ailəlidir. İki övladı var.

Azərbaycan Respublikasının Daxili İşlər Nazirliyinin Polis Akademiyasının rəisinin xidmət və döyüş  hazırlığı üzrə müavini, polis polkovniki İsayev İlyas Şirzaid oğlu
 1971-ci ildə Azərbaycan Respublikasının Lənkəran şəhərində anadan olmuşdur.
1995-ci ildə RF DİN DQ-nin Ali Hərbi Komandirlər Məktəbini, hüquqşünas ixtisası üzrə bitirmişdir.
1995-ci ildən daxili işlər orqanlarında xidmət edir.

1995-1996-cı illərdə Rusiya Federasiyası, Həştərxan şəhərində yerləşən Daxili Qoşunların 12-ci əlahiddə briqadasında (6688 saylı hərbi hissə) taqım komandiri, bölük komandirinin müavini vəzifələrində çalışmışdır.

1996-cı ilin sentyabr ayından Azərbaycan Respublikasının Daxili Qoşunlarının 99713 saylı hərbi hissəsində xüsusi təyinatlı bölüyünün komandir müavini vəzifəsində xidmətinə başlamışdır.

1999-cu ilin dekabr ayından Daxili Qoşunların 12318 saylı hərbi hissəsində komendant bölüyünün komandiri vəzifəsinə təyin olunmuşdur. 2002-ci ilin may ayından həmin hərbi hissədə mühafizə taborunun qərargah rəisi, 2003-cü ilin avqust ayından Daxili Qoşunların 16076 saylı hərbi hissənin komandirinin 1-ci müavini – qərargah rəisi vəzifəsində xidmətini davam etdirmişdir.

20.09.2011-ci ildən hazıradək  DİN-in Polis Akademiyasının rəisinin xidmət və döyüş  hazırlığı üzrə müavini vəzifəsində xidmət edir.

Ailəlidir. İki övladı var.

Geriyə | Çap versiyası