Polis Akademiyasının rəisi.
Polis general-mayoru Ramiz Tağı oğlu Nağıyev 20 may 1951-ci ildə Şərur rayonunda anadan olmuşdur. Ali təhsillidir. 1969-cu ildə Naxçıvan Pedaqoji Texnikumunu, 1980-cı ildə isə Azərbaycan Dövlət Universitetinin hüquq fakültəsini bitirib. 1975-ci ildən DİO-da xidmət edir. Sahə müvəkkili, cinayət-axtarış xətti üzrə əməliyyat müvəkkili, yerlərdə və DİN-in Baş İstintaq İdarəsində müstəntiq, Daxili Təhqiqatlar İdarəsində inspektor, mühüm tapşırıqlar üzrə baş inspektor, DİN-in 7-ci İdarəsinin, Daxili Təhqiqatlar İdarəsinin, Baş Narkotiklərlə Mübarizə İdarəsinin rəisi vəzifələrində işləyib. 2005-ci ilin sentyabr ayından Polis Akademiyasının rəisi vəzifəsində işləyir.

Polis Akademiyası rəisinin tədris və elmi işlər üzrə müavini.

polis polkovniki Mahir Bayram oğlu Əhmədov 31 mart 1957-ci ildə Gəncə şəhərində anadan olmuşdur. Ali təhsillidir. 1983-cü ildə Moskva Xalqlar Dostluğu Universitetini fərqlənmə diplomu ilə bitirmişdir. DİO-da 1984-cu ildən xidməti işə başlamışdır, tutduğu vəzifədə isə 06 fevral 1992-ci ildən işləyir. Hüquq elmləri doktoru, dosent, "Azərbaycan Respublikasının Əməkdar müəllimi"dir.

Polis Akademiyası rəisinin döyüş,xidməti hazırlıq vəşəxsi heyətlə iş üzrə müavini.
Polis polkovniki Qabil Kamil oğlu Zamanov 24 fevral 1962-ci ildə Naxçıvan şəhərində anadan olmuşdur. Ali təhsillidir. 1983-cü ildə Lvov Ali hərbi siyasi məktəbini, 1989-cu ildə Leninqradda yerləşən DİN-in Daxili Qoşunlarının siyasi məktəbində ixtisasdəyişmə kursunu, 1998-ci ildə isə Azərbaycan Respublikası DİN-in Polis Akademiyasını bitirmişdir. 1983-cü ildən DİO-nun Daxili Qoşunlarında Rusiya Federasiyasının bir sıra şəhərlərində xidmət etmişdir. Siyasi işçi, motorlaşdırılmış milis alayı komandirinin müavini, Daxili Qoşunların Tədris alayının komandiri, Daxili Qoşunların Baş İdarəsinin qərargahında 1-ci və 2-ci əməliyyat şöbəsinin və Daxili Qoşunların Baş İdarəsinin qərargah rəisinin müavini, qərargah rəisi vəzifəsində,1993-cü ildən DİN-in A.N.Heydərov adına Sıravi və Kiçik rəis heyəti hazırlayan məktəbində xidmət üzrə rəis müavini vəzifələrində işləyib. 2006-cı ilin yanvar ayından Polis Akademiyasının rəis müavini vəzifəsində işləyir.