Azərbaycan Respublikası Daxili İşlər Nazirliyinin Veteranlar Şurasının 2012-ci il üçün tədbirlər planının 3-cü bəndinə müvafiq olaraq «Respublikamızda sabitliyin qorunmasında vətənpərvərliyin rolu» və «Böyük Vətən müharibəsində qələbənin 67 illiyi» mövzusunda Polis 02.05.2012-ci il tarixdə DİN-in Veteranlar Şurasının sədri Ramiz Axundovun, həmin şuranın sədr müavini Maqbek Məhərrəmovun, DİO və 1941-1945-ci illər müharibəsinin veteranı Qüdrət Süleymanovun Polis Akademiyasının şəxsi heyəti ilə görüşü keçirilmişdir.
Görüşü DİN-in Polis Akademiyasının rəis müavini, polis polkovniki Mahir Əhmədov açaraq, II Dünya müharibəsinin tarixi, 9 may Qələbə gününün Azərbaycan Respublikasında məhz Ulu öndər Heydər Əliyevin təşəbbüsü ilə yenidən bayram kimi qeyd olunması barədə iştirakçılara məlumat çatdırmış və sözü qonaqlara vermişdir. DİO və 1941-1945-ci illər müharibəsinin veteranı Qüdrət Süleymanov keçdiyi odlu-alovlu müharibə yollarından, azərbaycanlıların həm ön, həm də arxa cəbhədə göstərdiyi şücaət və igidlikləri, eyni zamanda şərəfli veteran ömrü və DİO-da fəaliyyəti barədə geniş çıxış etmişdir. DİN-in Veteranlar Şurasının sədri Ramiz Axundov çıxışında Böyük Vətən müharibəsinin iştirakçısı olmuş Sovet İttifaqı Qəhrəmanlarından 3-ünün sonradan məhz DİO-da xidmətlərini davam etdirmələri, Veteranlar Şurasının fəaliyyəti, daxili işlər naziri, general-polkovnik cənab Ramil Usubovun həm müharibə, həm də DİO veteranlarına daima xüsusi qayğı göstərməsi barədə geniş məlumat verərək akademiya rəhbərliyinə xatirə kitabları və curnalları hədiyyə etmiş, iştirakçılara öz tövsiyələrini vermişdir.