“Gənclərin Daxili İşlər Nazirliyi sistemində təhsilə və xidmətə təşviq edilməsinə dair Tədbirlər Planı”na uyğun olaraq, ölkənin müxtəlif bölgələrində - Gədəbəy, Xızı, Balakən, Qobustan və Qəbələ rayonlarında təbliğat-təşviqat və maarifləndirmə xarakterli görüşlərin keçirilməsinə başlanılıb. Görüşlərdə IX-XI sinif şagirdlərinə Polis Akademiyasında təhsil imkanları, təhsil müəssisəsinin zəngin tarixi, tədris prosesi, eləcə də daxili işlər orqanlarında xidmətin xüsusiyyətləri və üstünlükləri barədə ətraflı məlumat verilib.