Prokurorluq işçilərinin peşə bayramı və prokurorluq orqanlarının yaradılmasının 108-ci ildönümü münasibətilə Baş Prokurorluğun Elm-Tədris Mərkəzinin təşkilatçılığı ilə “Qanunun tarixi: Əsrlərdən keçən ədalət” adlı intellektual yarış keçirilib. Tədbirin keçirilməsində əsas məqsəd gənclərin hüquqi biliklərinin artırılması, onların analitik düşünmə və məntiqi təhlil bacarıqlarının inkişaf etdirilməsi, eləcə də hüquq-mühafizə orqanları ilə ali təhsil müəssisələri arasında əməkdaşlığın genişləndirilməsi olub.