Hüquq-mühafizə Təlimləri üzrə Avropa İttifaqı Agentliyi tərəfindən (CEPOL) 2021-ci il ərzində hüquq-mühafizə orqanları üçün həyata keçiriləcək mübadilə proqramı çərçivəsində Yunanıstan Polisinin əməkdaşı Georgius Mandalis 3-8 oktyabr tarixinlərində ölkəmizə səfəri çərçivəsində İnterpolun Milli Mərkəzi Bürosu, İnsan Alverinə qarşı Mübarizə Baş İdarəsi ilə yanaşı 7 oktyabr tarıxində Azərbaycan Respublikası DİN-in Polis Akademiyasını da ziyarət etmişdir.
Qonaq qeyd olunan tarixdə DİN-in Polis Akademiyasının maddi-texniki bazası, tədris prosesi, elmi-tədqiqat fəaliyyəti və digər imkanları ilə tanış edilmişdir.

Daha sonra onun DİN-in Polis Akademiyasının əməkdaşları- Kriminalistika kafedrasının rəisi, polis polkovniki Allahverdi Mahmudov, Dövlət və hüquq nəzəriyyəsi kafedrasının rəisi, polis polkovniki Ceyhun Süleymanov, DİO-da əməliyyat-axtarış fəaliyyəti kafedrasının müəllimi Orxan Məmmədov və Beynəlxalq əməkdaşlıq bölməsinin əməkdaşları ilə görüşü təşkil edilmişdir.
Qarışılıqlı fikir mübadiləsi əsasında keçirilmiş görüş zamanı qonağa Azərbaycan Respublikası DİN-in Polis Akademiyasında tədris prosesi ilə bağlı ətraflı məlumat verilməklə onu maraqlandıran bir sıra suallar cavablandırılmışdır.    
Sonda Georgius Mandalis görüşün səmərəli və yüksək səviyyədə təşkil olunduğuna görə öz dərin təşəkkürünü bildirmişdir.
Ümumilikdə təcrübə mübadiləsi işgüzar və səmərəli keçmişdir.