24 dekabr 2021-ci il tarixində DİN-in Polis Akademiyasında “Silahsız özünümüdafiə” üzrə Akademiya birinciliyi keçirilmişdir.
Dövlət himni səsləndirildikdən sonra Polis Akademiyası rəisinin döyüş və xidməti hazırlıq üzrə müavini, polis polkovniki İlyas İsayev yarışı açıq elan etmiş və iştirakçılara müvəffəqiyətlər arzulamışdır. Yarışda  5 komanda tərkibində 7 çəki dərəcəsində idmançılar mübarizə aparmışlar. Yarışı hakimlər Akademiyanın “Fiziki hazırlıq” kafedrasının baş müəllimi, polis polkovnik-leytenantı İlham Hüseynov, kafedranın müəllimi, polis baş leytenantı Natiq Eminov və baş hakim DİN-in İdman Cəmiyyətinin əlbəyaxa döyüş üzrə məşqçi-müəllimi, Azərbaycan Respublikasının Fəxri Bədən Tərbiyəsi və İdman işçisi, Əməkdar məşqçi, Döyüş və Xüsusi hazırlıq Federasiyasının prezidenti Rəsul Məmmədov aparmışlar.

Yarış zamanı komandalar arasındakı qızğın mübarizə nəticəsində I kurs – I yerə (Taptıqov Məftun Mahir oğlu, Nəsibov Turan Habil oğlu, Rzayev Rəsul Yusif oğlu), IV kurs - II yer (Babayev Elşad İlham oğlu, İsmayılov Oruc Əfqan oğlu), III kurs kursantları isə  III yerə (Axundov Qüdrət Elman oğlu) layiq görülmüşlər.  
Yarışın yekununda qaliblər kubok, diplom və qiymətli hədiyələrlə təltif olunmuşlar.