7 fevral 2022-ci il tarixdə Qazaxıstan Respublikasının Karakanda Polis Akademiyasının təşkilatçılığı ilə, Qazaxıstan Milli Akademiyasının həqiqi üzvü, Qazaxıstan DİN-in əməkdar işçisi, hüquq elmləri doktoru, professor Nurqaliyev Baxıt Moldat oğlunun 70 illik yubileyi ilə əlaqədar olaraq “Cinayət-prosessual hüquq və kriminalistika elmi: müasir vəziyyəti və inkişaf istiqamətləri” mövzusunda Beynəlxalq elmi-praktik videokonfrans keçirilmişdir. 

Konfransda yubilyarın həyatı, elmi yaradıcılığı, daxili işlər orqanlarındakı fəaliyyəti ilə bağlı təqdimatlardan və yubilyara ünvanlanmış təbriklərdən sonra, məruzəçilərin çıxışları dinlənilmiş, hüquq elminin qarşısında duran bir çox məsələlər ətrafında fikir mübadiləsi aparılmışdır. Xüsusilə də cinayət-prosessual hüquq və kriminalistika sahəsində elmi yeniliklər barədə ətraflı danışılmışdır.

Konfransda Akademiyanın “Cinayət prosesi” kafedrasının rəisi, polis polkovniki h.ü.f.d., dosent Səyyad Ağayev iştirak edərək “Azərbaycan Respublikasının cinayət mühakimə icraatında məhkəməyədək icraatın aparılmasının bəzi nəzəri məsələləri” adlı təqdimatla çıxış etmişdir.
Sonda yubilyar, professor Nurqaliyev Baxıt Moldat oğlu öz adından hər bir tədbir iştirakçısına öz təşəkkürünü bildirmişdir.
Ümumilikdə keçirilən beynəlxalq tədbir işgüzar və səmərəli şəkildə baş tutdu.