26 fevral 2022-ci il tarixdə saat 08.30-da Akademiyanın dəyişən heyəti böyük sıra meydanında düzülmüş və «İctimai elmlər» kafedrasının müəllimi, polis mayoru Əfqan Qasımzadə sıra qarşısında çıxış edərək Xocalı faciəsi barədə, eləcə də kütləvi qırğını təşkil etmiş cinayətkarlar, 27 sentyabr 2020-ci ildə başlamış Vətən müharibəsi nəticəsində müzəffər Ali Baş Komandan, möhtərəm cənab Prezident İlham Əliyevin və qalib ordumuzun sayəsində bu cinayəti törədənlərin layiqli cəzalandırıldıqlarına, Azərbaycan Respublikasının ərazi bütövlüyünün bərpasına dair geniş və ətraflı məlumatlar vermişdir.
26-27 fevral 2022-ci il tarixlərdə I-IV kurs kursantlarına Xocalı faciəsini özündə əks etdirən qısametrajlı videofilmlər nümayiş edilmişdir.

DİN-in Polis Akademiyasının rəhbərliyi tərəfindən təsdiq edilmiş tədbirlər planına əsasən 26 fevral 2022-ci il tarixdə Polis Akademiyasının daimi heyətinin şöbə, fakültə, kurs, kafedra, bölmə, hissə və xidmət rəhbərlikləri tabelikdəki əməkdaşları ilə Xocalı faciəsi ilə bağlı söhbətlər aparmışlar.
26 fevral 2022-ci il tarixdə saat 17.00-da «Xocalı faciəsinin 30-cu ildönümü» ilə əlaqədar Polis Akademiyasının daimi heyəti xidməti otaqlarında Xocalı faciəsinin qurbanlarının və vətənimizin ərazi bütövlüyü, suverenliyi uğrunda həlak olmuş şəhidlərin əziz xatirəsini bir dəqiqəlik sükutla yad etmişlər.