10 may 2022-ci il tarixində ümummilli lider Heydər Əliyevin anadan  olmasının 99-cu anım gününə  həsr olunmuş “Əlbəyaxa döyüş” üzrə əyani təhsil alan kursantlar arasında Akademiya birinciliyi keçirilmişdir.
Yarışın baş hakimi “Fiziki hazırlıq”  kafedrasının müəllimi,  polis kapitanı Natiq Eminov və məsul katib “Fiziki hazırlıq” kafedrasının kiçik inspektor-təlimatçı, polis baş serjantı Allahverdili Məmmədhüseyn olmuşdur.

Şəxsi birincilikdə müxtəlif çəki dərəcələrində I kurs kursantı Hüseynov Elcan, II kurs kursantları Hacıbalayev Xəyal, Şirinzadə  Bahadur, Amoyev Hüseyin, Bəşirzadə Azər və IV kurs kursantları Rəhmanov Hikmət, Məmmədov İsa I yerlərə layiq görülmüşlər və yarışın ən texnikalı döyüşçüsü IV kurs kursantı Məmmədov İsa seçilmişdir. Kurslar üzrə komanda birinciliyində I kurs-III yer, IV kurs-II-ci yer  və 4 qızıl medal olmaqla II kurs-I-ci yerə  layiq görülmüşlər.
Sonda kursantlar  kubok, medal və diplomlarla təltif olunublar.