26-27 may 2022-ci il tarixlərində Rusiya DİN-in Nijeqorod Akademiyasında “Hüquqi nəticələr: nəzəriyyə, təcrübə, texnika” mövzusunda beynəlxalq elmi-praktik konfrans keçirilmişdir. Hüquqi nəticələr-hüquq elminin fundamental kateqoriyası kimi, hüquqi nəticələrin anlayışı və yaranma əsasları, hüquqi nəticələrin ifadə formaları, hüquqi nəticələrin tipologiyası və digər bu sahədə mövcud aktual problemlər adlı bölmələr üzrə təşkil edilən konfransda MDB ölkələrindən hüququn müxtəlif sahələri üzrə elmi-tədqiqat fəaliyyəti ilə məşğul olan alimlər, elmi tədqiqatçılar və peşəkar hüquq-mühafizə orqanlarının əməkdaşları iştirak ediblər.

Həmin konfransda Azərbaycan Respublikası DİN-in Polis Akademiyasının “Dövlət və hüquq nəzəriyyəsi” kafedrasının rəisi, polis polkovniki hüquq üzrə fəlsəfə doktoru, dosent Ceyhun Süleymanov iştirak etmişdir.
Konfransda publik hüquqda hüquqi nəticələrin xüsusiyyətləri, hüquqi nəticələrin dərk edilməsinin sahəvi xüsusiyyətləri, dövlət məcburetməsinin tətbiqinin hüquqi nəticələri, müasir beynəlxalq mübahisələrinin hüquqi nəticələri və digər sualların geniş müzakirəsi konfrans iştirakçılarının böyük marağına səbəb olmuşdur.