“Gənclərin Daxili İşlər Nazirliyi sistemində təhsilə və xidmətə təşviq edilməsinə dair” DİN-in 14 may 2022-ci il tarixli 001-33612-1222 nömrəli tədbirlər planından irəli gələn vəzifələrin icrası ilə əlaqədar 2022-ci il sentyabr ayının 28-də Xəzər rayonunda yerləşən Süleyman Rüstəm adına Xarici Dillər Təmayüllü Gimnaziyanın IX-XI sinif şagirdləri Polis Akademiyasında keçirilən “Açıq qapı” tədbirində iştirak etmişdir.
Şagirdlər 100 illik şanlı tarixə malik təhsil müəssisəmizdə həyata keçirilən təlim-tədris prosesi, daxili işlər orqanları əməkdaşlarının qanunların və insan haqlarının qorunması, bütövlükdə cəmiyyətin təhlükəsizliyinin təmin edilməsi kimi şərəfli xidmətin və xüsusi təyinatlı ali təhsil müəssisəsi olan Polis Akademiyasında ali hüquq təhsili almağın üstünlükləri, eyni zamanda, qəbul qaydaları barədə məlumatlandırılmış, tədris korpusları, idman meydançaları və zalları, kriminalistik şəhərcik, kitabxana, kursant yeməkxanası və yataqxanarla tanış edilmişlər.
Sonda qonaqlarla xatirə şəkli çəkilmiş və onlara Akademiya barəsində lifletlər təqdim edilmişdir.