“Gənclərin Daxili İşlər Nazirliyi sistemində təhsilə və xidmətə təşviq edilməsinə dair” DİN-in təsdiq etdiyi tədbirlər planından irəli gələn vəzifələrin icrası ilə əlaqədar davam etdirilən silsilə tədbirlər çərçivəsində 26 oktyabr 2022-ci il tarixdə Bakı şəhərinin Səbail rayonunda yerləşən 6 saylı tam orta məktəbin şagirdləri Polis Akademiyasında “Açıq qapı” tədbirində iştirak etmişdir.

Şagirdlərə Polis Akademiyasına qəbul qaydaları izah edilmiş, kursantların maddi, sosial təminatları və imtiyazları barədə ətraflı məlumatlar verilmişdir. Eyni zamanda, şagirdlər tədris korpusları, idman meydançaları və zalları, kriminalistik şəhərcik, kitabxana, kursant yeməkxanası və yataqxanaları ilə tanış edilmişlər.
Qonaqlara Akademiya barədə videoçarx nümayiş etdirilmiş, lifletlər təqdim edilmiş, onları maraqlandıran suallar cavablandırılmışdır.