DİN-in şəhər, rayon və nəqliyyatda polis orqanlarının kriminalistik tədqiqatlar qrupunda xidmət edən əməkdaşların qüvvədə olan normativ hüquqi aktların daha dərindən öyrənilməsi, nəzəri və təcrübi biliklərin artırılması və keçirilən istintaq hərəkətləri zamanı peşəkarlıq səviyyəsinin yüksəldilməsi məqsədi ilə Kriminalistik Tədqiqatlar İdarəsinin rəisinin müraciətinə və DİN rəhbərliyinin göstərişinə əsasən cari ilin noyabrın ayının 14-dən 26-dək DİN-in Polis Akademiyası və Kriminalistik Tədqiqatlar İdarəsində qeyd olunan xidmətin əməkdaşları ilə “İxtisasartırma” kursu təşkil olunmuşdur.

Kursa cəlb olunmuş əməkdaşların mövzuları daha dərindən öyrənməsi məqsədi ilə öncədən Akademiyanın “Kriminalistika” kafedrasının əməkdaşları tərəfindən tədris olunacaq mövzular üzrə mühazirələr toplusu hazırlanaraq dinləyicilərə təqdim olunmuşdur.
Kursun nəticələrinə əsasən Polis Akademiyasının və Kriminalistik Tədqiqatlar İdarəsinin rəhbərliyinin iştirakı ilə dinləyicilərdən yekun imtahan qəbul edilmiş və imtahandan müvəffəqiyyətlə keçmiş dinləyicilərə sertifikatlar təqdim olunmuşdur.