“Heydər Əliyev İli” çərçivəsində Polis Akademiyanın müvafiq tədbirlər planına əsasən Akademiyada keçirilən tədbirlərin davamı olaraq şəxsi heyət arasında idmana marağın artırılması, sürət, dözümlük və cəldlik vərdişlərini təkmilləşdirmək və 2023-cü ilin dekabr ayında Dinamo İdman Cəmiyyətində polis əməkdaşları arasında keçiriləcək “Əlbəyaxa döyüş” üzrə Dinamo birinciliyində Akademiyanı layiqincə təmsil edə biləcək kursantlardan ibarət yığma komandanı təyin etmək məqsədilə 29 mart 2023-cü il tarixində “Əlbəyaxa Döyüş” üzrə Akademiya birinciliyi keçirilmişdir.

Yarışa 4 kursdan 6 çəki (67 kq, 73 kq, 80 kq, 88 kq, 97 kq, +97 kq) dərəcəsində ümumilikdə 58 idmançı qatılmışdır. Yarışın nəticələrinə əsasən I kurs kursantı Məmmədov Fərux 67 kq, II kurs kursantları Əbdürrəhimov Nahid 73 kq, İbrahimov Nurlan 88 kq, Bafadarov Anar 97 kq, Quliyev Fərid +97kq və III kurs kursantı Əmoyev Hüseyn 80 kq çəki dərəcələrində I yerlərə layiq görülmüşlər.
Tədbirin sonunda yer tutmuş kursantlar Fiziki hazırlıq kafedrasının rəisi tərəfindən diplom, medal və qiymətli hədiyyələrlə təltif olunmuşlar.