12-13 may 2023-cü il tarixlərində daxili işlər orqanları arasında Ümummilli lider Heydər Əliyevin anadan olmasının 100 illik yubileyinə həsr olunmuş “Şahmat” idman növü üzrə yarış keçirilib.   
Sözügedən tədbirdə Polis Akademiyası ilə birgə 11 komanda olmaqla 22 idmançı iştirak edib. Blitz qaydasında təşkil olunmuş turnirdə hər iştirakçıya 7 dəqiqə vaxt ayrılıb.
Daxili Qoşunların əsgəri dördqat respublika çempionu, Avropa kubokunun qalibi, qrossmeyster Vüqar Əsədli ilə II kurs kursantı Əliyev Əli Sultan oğlu final mərhələsində görüşü heç-heçə ilə bitiriblər. Təkrar görüşdə komandamızın oyunçusu kursant Əli Əliyev II yerə layiq görülüb.