23.06.2016
Azərbaycan Respublikasının Prezidenti yanında Bilik Fondundan daxil olan 21 iyun 2016-cı il tarixli 16/335 nömrəli müraciət əsasında 23 iyun 2016-cı il tarixində Azərbaycan Respublikasının Prezidenti yanında Bilik Fondu, Bakı şəhəri Binəqədi rayon İcra Hakimiyyəti və DİN-in Polis Akademiyasının birgə təşkilatçılığı ilə YAP Bİnəqədi rayon təşkilatının akt zalında rayon orta məktəblərinin şagird və pedaqoji kollektivi üçün “Narkomaniyaya yox deyək!” mövzusunda maarifləndirici tədbir həyata keçirilmişdir. Həmin tədbirdə DİN-in Polis Akademiyası “DİO-nun inzibati fəaliy¬yəti” kafedrasının baş müəllimi, polis polkovnik-leytenantı, h.ü.f.d., Rafiq Nəcəfquliyev tərəfindən Azərbaycan Respublikası Prezidentinin 24 iyun 2013-cü il tarixli Sərəncamı ilə təsdiq edilən “Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılması ilə mübarizə üzrə (2013-2018-ci illər) Proqram”ın məzmunundan irəli gələrək aidiyyəti sahəvi qanunvericilik aktlarından istifadə olunmaqla maarifləndirici məlumatlar verilmişdir. Həmin məlumatlar içərisində “narkomanlıq”, “narko¬manlıq xəstəliyinə düçar olan şəxs” anlayışları, narkomanlığın fiziki təsirləri və fəsadları, həmçinin 2015-ci il üzrə daxili işlər orqanları tərəfindən narkotiklərin qanunsuz dövriyyəsinə qarşı həyata keçirilən fəaliyyətə dair statistik göstəricilərə yer verilmişdir.