Azərbaycan Respublikası Daxili İşlər Nazirliyinin Polis Akademiyasının rəisi, polis general-mayoru Daanov Canpolad Alı oğlu

1981-ci ildə Balakən şəhərində anadan olmuşdur. 2003-cü ildə Bakı Dövlət Universitetinin Hüquqşünaslıq fakültəsinin bakalavr pilləsini, 2007-ci ildə isə həmin fakültənin magistratura pilləsini fərqlənmə diplomları ilə bitirmişdir.

DİO-da xidmətə 2004-cü ildə DİN-in Polis Akademiyasının “Cinayət hüququ” kafedrasında müəllim kimi başlamışdır. 2005-ci ilin noyabr ayından 2019-cu ilin avqust ayına kimi DİN-in istintaq orqanlarında müstəntiq, baş müstəntiq, şöbə rəisinin müavini, şöbə rəisi və baş idarə rəisinin müavini, 2019-cu ilin avqust ayından 2020-ci ilin 19 noyabr tarixinədək DİN-in Polis Akademiyasının rəisinin birinci müavini vəzifələrində çalışmışdır.

Azərbaycan Respublikasının Prezidenti cənab İlham Əliyevin 19 noyabr 2020-ci il tarixli 2298 nömrəli Sərəncamı ilə Canpolad Daanov Daxili İşlər Nazirliyinin Polis Akademiyasının rəisi təyin edilib.

İctimai asayişin, əhalinin dinc və təhlükəsiz yaşayışının qorunmasında, qanun aliliyinin təmin olunmasında, cinayətkarlığa qarşı mübarizədə xidməti vəzifələrin və xüsusi tapşırıqların yerinə yetirilməsində fərqləndiyinə görə Azərbaycan Respublikası Prezidentinin 01.07.2010-cu il tarixli  988 nömrəli  Sərəncamı ilə “Vətən uğrunda” medalı ilə təltif edilmişdir.
Azərbaycan Respublikası Prezidentinin 01.07.2022-ci il tarixli Sərəncamı ilə polis polkovniki Canpolad Alı oğlu Daanova polis general-mayoru ali xüsusi rütbəsi verilmişdir.

Ailəlidir. İki övladı var.

 

 

Azərbaycan Respublikası Daxili İşlər Nazirliyinin Polis Akademiyası rəisinin birinci müavini, polis polkovniki  Mansurov Vüqar Şəmistan oğlu

1973-cü ildə Sumqayıt şəhərində anadan olmuşdur. 1992-ci ildən 1998-ci ilədək  Azərbaycan Respublikası DİN-in Daxili Qoşunlarında xidmət etmişdir.
1998-ci ildə DİN-in Polis Akademiyasına daxil olub 2002-ci ildə oranı fərqlənmə diplomu ilə bitirmişdir. 21.08.2002-ci il tarixindən Polis Akademiyası “DİO-nun inzibati fəaliyyəti” kafedrasının müəllimi, 19.03.2010-cu ildən isə həmin kafedranın baş müəllimi vəzifəsində xidmət etmişdir.

Azərbaycan Respublikası Daxili İşlər naziri general-polkovnik cənab Vilayət Eyvazovun 29 iyun 2022-ci il tarixli Ə1809 ş\h-001-22 nömrəli əmri ilə polis polkovniki  Mansurov Vüqar Şəmistan oğlu 30 iyun 2022-ci il tarixdən DİN-in Polis Akademiyasının Daxili işlər orqanlarında inzibati fəaliyyət kafedrasının baş müəllimi vəzifəsindən azad edilib, Polis Akademiyasının rəisinin birinci müavini vəzifəsinə təyin edilmişdir.

Ailəlidir. Üç övladı var.

 

1976-cı ildə Naxçıvan Muxtar Respublikasının Culfa rayonunda anadan olmuşdur.
1993-cü ildə Cəmşid Naxçıvanski adına hərbi liseyi bitirmişdir.1993-1997-ci illərdə Türkiyə Respublikası “Kara Harp Okulu”nda, 1997-1998-ci illərdə Türkiyə Respublikası “Eğirdir Dağ Komando Okulu” və “Piyada Okulu”nda təhsil almış, 2003-2004-cü illərdə Silahlı Qüvvələrin Hərbi Akademiyasında dinləyici olmuşdur.
1998-1999-cu illərdə Müdafiə Nazirliyinin “N” saylı hərbi hissəsinin Xüsusi təyinatlı taqım komandiri, 1999-2002-ci illərdə Bakı Ali Birləşmiş Komandanlıq Məktəbinin kursantlar taqımının komandiri, 2002-2003-cü illərdə Azərbaycan Ali Hərbi Məktəbində kursant bölüyünün komandiri, 2003-2014-cü illərdə Müdafiə Nazirliyinin Kəşfiyyat İdarəsinin tərkibində olan “N” saylı hərbi hissədə müxtəlif vəzifələrdə, 2014-cü il  Azərbaycan Ali Hərbi Məktəbində Elmi Tədqiqat bölməsinin rəisi, 2014-2015-ci illərdə Naxçıvan Muxtar Respublikasında Əlahiddə Ümumqoşun Ordusunun Xüsusi Təhlükəsizlik xidmətinin rəis müavini, 2015-2016-cı illərdə “N” saylı motoatıcı briqada komandirinin birinci müavini-qərargah rəisi, 2016-cı ildə Silahlı Qüvvələrin Hərbi Akademiyasının Diplomatiya kursu rəisinin müavini, 2022-2023-cü illərdə Daxili Qoşunların Ali Hərbi Məktəbində Qərargah rəisinin müavini vəzifələrində xidmət etmişdir.

Xidmət dövründə dövlət əhəmiyyətli bir çox xüsusi tapşırıqları müvəffəqiyyətlə yerinə yetirdiyinə görə, Azərbaycan Respublikası Prezidentinin 25.06.2009-cu il tarixli 351 nömrəli Sərəncamı ilə Azərbaycan Respublikasının “İgidliyə görə”, “Qüsursuz Xidmətə Görə” 3-cü dərəcəli, 2-ci dərəcəli və 1-ci dərəcəli, Azərbaycan Respublikası Silahlı Qüvvələrinin 10 illiyi, 90 illiyi və 95 illiyi medalları ilə təltif edilmişdir.
30.10.2023-cü ildən hazıradək DİN-in Polis Akademiyası rəisinin xidmət və döyüş  hazırlığı üzrə müavini vəzifəsində xidmət edir.

Ailəlidir 3 övladı var.