13 iyun 2024-cü il tarixində Polis Akademiyasında “İnsan hüquqları aylığı” ilə bağlı “Müasir dövrdə insan hüquqlarının aktual problemləri” mövzusunda dəyirmi masa keçirilib.

Tədbirdə Konstitusiya Məhkəməsi Aparatının, Ombudsman Aparatının, Hüquq və İnsan Haqları İnstitutunun əməkdaşları, DİN-in Polis Akademiyasının müəllim heyəti və kursantları iştirak ediblər.
İlk olaraq Ümumilli lider Heydər Əliyev və Azərbaycanın ərazi bütövlüyü uğrunda canlarından keçənlərin əziz xatirəsi bir dəqiqəlik sükutla yad edilib.

Sonra Polis Akademiyası rəisinin birinci müavini, polis polkovniki Vüqar Mansurov tədbiri açıq elan edərək qonaqları salamlayıb və dəyirmi masanın işinə uğurlar arzulayıb.
Daha sonra tədbir iştirakçılarının “Azərbaycan Respublikasında Konstitusiya ədalət mühakiməsi ilə insan hüquqlarının müdafiəsi”, “İnsan hüquq və azadlıqlarının təminatı Azərbaycan dövlətinin əsas məqsədidir”, “Normayaratma fəaliyyətində insan hüquqlarının təminatı”, “İnsan hüquqları istiqamətində islahatlar”, “DİO-da əməliyyat axtarış fəaliyyətinin həyata keçirilməsi zamanı insan hüquq və azadlıqlarına hörmət” və “Azərbaycan polisinin fəaliyyətində insan hüquqları standartları” mövzularında çıxışları dinlənilib. Çıxışlar ətrafında fikir mübadiləsi və müzakirələr aparılıb və tədbir iştirakçılarını maraqlandıran suallar cavablandırılıb.