02 dekabr 2021-ci il tarixdə DİN-in Polis Akademiyasının komandası mövcud əməkdaşlıq protokolları çərçivəsində Rusiya Federasiyası, Belarus, Qazaxıstan və Azərbaycan Respublikalarının xüsusi təyinatlı ali təhsil Akademiyalarının daimi və dəyişən heyətindən ibarət nümayəndələri arasında keçirilən şahmat üzrə beynəlxalq onlayn yarışda iştirak etmişdir.
Polis Akademiyasının komandasının üzvləri - I kurs kursantları İsmayılov Arzu, Əhədzadə Hacıəli, Əliyev Əli, III kurs kursantı Məhərəmmli Əli  və V kurs kursantı Mehdiyev Rəşad “Fiziki hazırlıq” kafedrasının baş müəllimi polis polkovnik-leytenantı İham Hüseynovun rəhbərliyi ilə adıçəkilən yarışda iştirak etmişlər.
Akademiyanın yığma komandası şahmat üzrə onlayn formatda keçirilən beynəlxaq yarışda I yerə, şəxsi birincilikdə isə V kurs kursantı Mehdiyev Rəşad II yerə layiq görülmüşdür.
Kursantlar Akademiya rəhbərliyi tərəfindən mükafatlandırılmışdır.