ADA Universitetində 03 dekabr  2021-ci il tarixində keçirilən Hərbi əsirlərlə rəftara dair III Cenevrə Konvensiyasının yenilənmiş Kommentariyasının nəşri və təqdimatı ilə bağlı keçirilmiş tədbirdə DİN-in Polis Akademiyasının “Dövlət və hüquq nəzəriyyəsi” kafedrasının beynəlxalq hüquq üzrə tədrisi həyata keçirən baş müəllimi, polis polkovnik-leytenantı  Zaur Bağırov iştirak etmişdir.
Tədbirə sədrlik edən Beynəlxalq Qızıl Xaç Komitəsinin Azərbaycandakı Nümayəndəliyinin başçısı Arian Bauer və ADA Universitetinin İctimai və Beynəlxalq Münasibətlər fakültəsinin dekanı Anar Vəliyev tədbir iştirakçılarını salamlayıb tədbirin mahiyyətinin aktuallığı barədə məlumat vermişdir.

Daha sonra BQXK-nın Kommentarilərin yeniləşməsi şöbəsinin rəhbəri Jan-Mari  Henkaerts “Konvensiyanın təməlini təşkil edən məsələlər haqqında”, Milli Məclisin üzvü Nizami Səfərov “Yenilənmiş Kommentarilər-Azərbaycanda hüquq sahəsindəki ekspertlər üçün bir alət”, Milli məlumat büroları üzrə menecer Karen Loehner “III Cenevrə Konvensiyasının implementasiyası: Milli məlumat bürolarına dair nümunə”, BQXK-nın Rusiya Federasiyası, Belarus və Moldova üzrə regional nümayəndəliyinin hüquq məsələləri üzrə koordinatoru Andrey Kozik “Cenevrə Konvensiyalarının implementasiyası: Milli BHH Komissiyalarına dair nümunə” adlı mövzularla  məruzə etmişlər.
Tədbir məruzələr ətrafında müzakirələrlə sona çatmışdır.