11 dekabr 2021-ci il tarixdə DİN-in Polis  Akademiyasında ümummilli lider Heydər Əliyevin vəfatının 18-ci ildönümü ilə əlaqədar tədbir keçirilib. Tədbir Ulu öndərin əziz xatirəsinin bir dəqiqəlik sükutla yad edilməsi ilə başlanıb. Sonra dövlət himni səslənib.
Tədbir iştirakçıları Akademiyada müasir Azərbaycan dövlətinin banisi, ümummilli lider Heydər Əliyevin abidəsi önünə əklil qoyublar.

Tədbiri Akademiyanın rəisi, polis polkovniki Canpolad Daanov açıq elan edərək ümummilli lider Heydər Əliyevin şərəfli həyat yolu və zəngin ictimai-siyasi fəaliyyəti haqqında ətraflı məlumat verib. Polis polkovniki C.Daanov qeyd edib ki, Azərbaycan xalqının ümummilli lideri Heydər Əliyevin irsini öyrənmək üçün Akademiyada “Heydər Əliyev Mərkəzi” yaradılıb. Mərkəzdə yaradılan şərait, geniş ekspozisiya, fotoguşələr və sənədli materiallar Akademiyanın kursant və əməkdaşlarının ümummilli lider Heydər Əliyevin zəngin tarixi irsini dərindən yiyələnməsinə imkan verir.
Sonra Akademiyanın “İctimai elmlər” kafedrasının rəisi, tarix üzrə fəlsəfə doktoru, polis polkovniki Rəhim Məcnunov Ulu öndərin Azərbaycan tarixindəki rolu barədə məruzə ilə çıxış edib.

Qeyd olunub ki, qeyri-adi şəxsiyyət, siyasət və dövlət xadiminə xas olan böyük istedadı ilə fərqlənən Heydər Əliyev hələ sağlığında canlı əfsanəyə çevrilmişdir. Bu gün Azərbaycan dövlətçiliyinin müstəqilliyini əbədi  yaşatmaq üçün Heydər Əliyev irsi, onun dövlət idarəçiliyi təcrübəsi misilsiz mənəvi sərvətlər xəzinəsidir. Heydər Əliyevin təməlini qoyduğu işlər bu gün onun siyasi kursunun layiqli davamçısı Prezident İlham Əliyev tərəfindən uğurla davam etdirilir. Ölkəmizdə dövlət başçısının rəhbərliyi ilə bütün sahələrdə aparılan islahatlar, əldə olunan nailiyyətlər xalqın sabaha olan inamını daha da artırır. Ali Baş Komandan İlham Əliyevin əmri ilə Azərbaycan Ordusu Ermənistanın Azərbaycana qarşı hərbi təxribatına cavab olaraq genişmiqyaslı əks-hücum əməliyyatına başlamış və 44 gün davam edən İkinci Qarabağ müharibəsində tam Qələbə qazanmışdır. Bununla da Ulu öndərin bu vəsiyyəti reallaşmışdır.

Akademiyada Ulu öndər Heydər Əliyevin anım günü ilə bağlı silsilə tədbirlər  davam edir. Akademiyanın “Heydər Əliyev Mərkəzi”ndə, oxu və mühazirə zallarında, eləcə də böyük monitorunda Ulu öndərin həyat və yaradıcılığı, ictimai-siyasi fəaliyyətinə həsr olunmuş sənədli filmlər nümayiş etdirilir.