01 dekabr 2021-ci il tarixində RF-nın DİN-in Voronej İnstitutunun təşkilatçılığı ilə “Qeoinformasiya sistemlərinin istifadəsi ilə ictimai təhlükəsizliyin təmin edilməsində beynəlxalq və dövlətdaxili təcrübə” mövzusunda onlayn Beynəlxalq seminar keçirilmişdir.
Beynəlxalq onlayn seminarda RF-nın DİN-in Voronej İnstitutu, Özbəkistan Respublikası DİN-in Akademiyası, Nikaraqua Respublikası “Kriminalistika və kriminal elmlər” İnstitutu, Qazaxıstan Respublikası Baş Prokurorluğu nəzdində hüquq-mühafizə orqanları Akademiyası, Belarus Respublikası DİN-in əməkdaşları, Rusiya Federasiyası “İnteqra-S” konsorsium sisteminin nümayəndələri və Polis Akademiyasının “DİO-nun inzibati fəaliyyəti” kafedrasının dosenti, polis polkovniki Şahin Teyyub oğlu Şükürov  iştirak etmişdir.

Tədbiri RF-nın DİN-in Voronej İnstitutunun elmi işlər üzrə müavini, polis polkovniki, h.e.n. D.A.Simonenko giriş  sözü ilə açaraq tədbir iştirakçılarını salamlayıb.
Keçirilən onlayn seminarda RF DİN-in Voronej İnstitutunun “Mühafizə monitorinqi kompleksi və radiotexniki sistemlər” kafedrasının rəisi, texniki elmlər namizədi, dosent, polis polkovniki S.A.Qrecaniy, RF-nın Voronej vilayəti üzrə Milli Qvardiya Qoşunları Mühafizə İdarəsi Təhsil müəssisəsinin rəisi, polis polkovniki Y.V.Spiridonov, Qazaxıstan Respublikası Baş Prokurorluğu nəzdində hüquq-mühafizə orqanları Akademiyası Peşəkar təlim İnstitutunun Xüsusi hazırlıq və qlobal təhlükələrin qarşısının alınması kafedrasının dosenti, ədliyyə kiçik müşaviri K.Q.Alseyitov,  Nikaraqua Respublikası  “Kriminalistika və kriminal elmlər” İnstitutunun inspektoru Yader Antonio Oburto Lopesin, RF-nın Təhlükəsizlik Şurası nəzdində informasiya təhlükəsizliyi üzrə işçi qrupun üzvü “İnteqra-S” konsorsiumun prezidenti V.A.Kudelinin məzurələri dinlənilib.
Tədbirin sonunda beynəlxalq cinayətkarlığın qarşısının alınması problemləri ictimai təhlükəsiliyin təmin edilməsində hüquq-mühafizə orqanlarının beynəlxalq və dövlətdaxili təcrübəsi və s. məsələlər təhlil edilmişdir.