15 dekabr 2021-ci il tarixdə DİN-in Polis Akademiyasının rəisi, polis polkovniki Canpolad Daanovun iştirakı ilə 2021-ci ilin sentyabr ayının 15-dən dekabr ayının 15-dək Rusiya Federasiyası DİN-in xüsusi təhsil müəssisələrinin məzunlarının “Xüsusi hazırlıq” kursunu bitirmiş dinləyiciləri ilə görüş keçirilmişdir.
Tədbiri giriş sözü ilə açan Akademiya rəisi C.Daanov xarici dövlətlərin xüsusi təhsil müəssisələrini bitirmiş məzunlara “Xüsusi hazırlıq” kursunun məqsədi, polisin fəaliyyəti,  gənc əməkdaşların cəmiyyətdə davranış və geyim qaydalarına əməl etmələri ilə bağlı tövsiyələr vermiş, onlara gələcək fəaliyyətlərində uğurlar arzulamışdır.
Məzunlar Akademiya rəhbərliyinə onlara yaradılmış şəraitə görə təşəkkürlərini bildirmişlər.
Tədbirin sonunda məzunlara kursu bitirmələrinə dair sertifikatlar təqdim edilmişdir.