xəbərlər

Polis Akademiyasının əməkdaşı Rusiya Daxili İşlər Nazirliyinin V.Y.Kikot adına Moskva Dövlət Universitetinin 20 illiyinə həsr olunmuş beynəlxalq elmi-praktik videokonfransda iştirak edib

10.06.2022

 9-10 iyun 2022-ci il tarixində Rusiya Daxili İşlər Nazirliyinin V.Y.Kikot adına Moskva Dövlət Universitetinin 20 illiyinə həsr olunmuş  “Daxili işlər orqanları əməkdaşlarının peşə təhsili. Performans psixologiyası və pedaqogikası” mövzu¬sunda beynəlxalq elmi-praktik videokonfrans təşkil edilib. Konfransda Polis Akademiyasını “DİO-da Əməliyyat-axtarış fəaliyyəti” kafedrasının müəllimi, polis polkovnik-leytenantı Rasif Müzəffərov təmsil edib.

Rusiya Federasiyası DİN-in V.Y.Kikot adına Moskva Universitetinin rəisi, polis general-leytenantı, pedaqogika üzrə fəlsəfə doktoru A.İ.Kaliniçenko konfransı giriş sözü ilə açaraq tədbir iştirakçılarını salamladı və konfrans haqqında məlumat verdi.
Akademiyanın “DİO-da Əməliyyat-axtarış fəaliyyəti” kafedrasının müəllimi, polis polkovnik-leytenantı Rasif Müzəffərov “Performansın psixoloji təminatı: vəziyyət və inkişaf perspektivləri” adlı bölmədə iştirak edib.
Konfransda psixoloji xidmətin təşkili, ona qoyulan tələblər, DİO əməkdaşlarının fəaliyyətində pedaqogika və psixologiya elminin rolu və s. kimi mövzular üzrə müzakirələr aparıldı.  


Geriyə | Çap versiyası