21 iyul 2022-ci il tarixində “Fiziki hazırlıq” kafedrasının müəllimi, polis kapitanı Natiq Eminovun dəvəti ilə Türkiyə Cümhuriyyətində “TRT Belgesel” verilişinin aparıcısı, “Döyüş Sənətləri Akademiyası”nın prezidenti və “Vinçun” idman növü üzrə “İdman ustası” Nehar Eren əyani təhsil alan kursantlarla seminar məşğələsi keçirtmək üçün Polis Akademiyasında olmuşdur.
Seminarda “Fiziki hazırlıq” kafedrasının müəllimləri, silahsız özünümüdafiə üzrə əyani təhsil alan kursantlardan ibarət yığma komanda, kurslara təyin olunmuş “Fiziki hazırlıq” üzrə təlimatçılar iştirak ediblər.

Təlimdə Nehar Eren bıçaqla vurulan zərbələrdən özünümüdafiə etmək üçün fəndlər, polis dəyənəyi ilə bıçaqlı cinayətkarın hücumunun qarşısının alınması taktikası, bıçaqlı hücumdan xəsarət alarkən ilk tibbi yardımın göstərilməsi təcrübəsini kursantlarla bölüşüb.
Tədbirin sonunda xatirə şəkili çəkilmiş və Polis Akademiyası rəisinin “Təşəkkürnamə”si “Fiziki hazırlıq” kafedrasının rəisi polis polkovniki İlham Hüseynov tərəfindən Nehar Erenə təqdim edilmişdir.